
ზურაბ ეფაძის სახელობის ცაგერის მუნიციპალიტეტის სოფელ ჩხუტელის საჯარო სკოლის დირექცია და პედაგოგები ძალისხმევას არ იშურებენ, რომ მოსწავლეებს ხარისხიანი განათლება მისცენ, რაც მათ აკადემიურ მოსწრებასა და სასწავლო შემართებაზე აისახება. შესაბამისად, სკოლას არაერთი წარჩინებული კურსდამთავრებული ჰყავს.
მათ შორისაა, მარი სილაგაძე, რომელსაც სკოლის წარჩინებით დამთავრებისთვის კუთვნილი ოქროს მედალი გადაეცა.
სკოლაში კურსდამთავრებულის სასწავლო მიღწევებით ამაყობენ და მას წარმატებულ მომავალს უსურვებენ.
შეგახსენებთ, რომ ოქროსა და ვერცხლის მედლების გაცემა ხდება მესამე საფეხურის ( მე-10, მე-11, მე-12 კლასი) თითოეული საგნის წლიური ნიშნის გათვალისწინებით; ოქროსა და ვერცხლის მედლების გაანგარიშებისას მხედველობაში არ მიიღება მოსწავლის შეფასება ტრიმესტრების მიხედვით.
ოქროს მედალს ის მოსწავლე მიიღებს, რომლის ყველა საგნის თითოეული წლის ნიშანი მესამე საფეხურზე არის დამრგვალებული 10. ვერცხლის მედალი კი იმ მოსწავლეს გადაეცემა, რომლის ყველა საგნის თითოეული წლის დამრგვალებული ნიშნების საშუალო არითმეტიკული მესამე საფეხურზე არის 9.8 დან - 10 მდე.