ახალქალაქის მუნიციპალიტეტის სოფელ ბარალეთის N2 საჯარო სკოლაში სასწავლო პროცესი წარმატებით, საზეიმოდ განახლდა.
ბავშვებისთვის სასკოლო და საკლასო გარემო ლამაზად მოირთო, რამაც მათი განწყობა კიდევ უფრო აამაღლა. ეს დღე განსაკუთრებით ემოციური და დასამახსოვრებელი იყო პირველკლასელისთვის, რომელმაც პირველად შეაბიჯეს „ცოდნის ტაძარში“.
ახალი, 2025-2026 სასწავლო წლის დაწყება მიულოცეს თითოეულ მოსწავლეს სკოლის დირექტორმა - მაკარ ისაკიძემ და პედაგოგებმა და წარმატება უსურვეს.
მოსწავლეებმაც სასწავლო წელი უდიდესი შემართებითა და ხალისით დაიწყეს. მათ სკოლის კარი ჟრიამულითა და ენთუზიაზმით შეაღეს.
სკოლის დირექცია საწავლო წლის დაწყებას სასკოლო საზოგადოებას კიდევ ერთხელ ულოცავს.
„კიდევ ერთხელ ყველას გილოცავთ ახალი სასწავლო წლის დაწყებას,გისურვებთ ნაყოფიერ, წარმატებულ და აღმოჩენებით სავსე წელს“,- აღნიშნავენ სკოლაში.
იხილეთ ფოტოები:
