საქართველოს საპატრიარქოს წმინდა ნინოს სახელობის მართლმადიდებლურ სკოლაში პედაგოგთა პროფესიული განვითარება მათი საქმიანობის განუყოფელი ნაწილია. ახლახან, სკოლაში პედაგოგებისთვის მორიგი საინტერესო ტრენინგი გაიმართა.
როგორც საქართველოს საპატრიარქოს წმინდა ნინოს სახელობის მართლმადიდებლურ სკოლაში აღნიშნავენ, ტრენინგი, რომელსაც მასწავლებელთა პროფესიული განვითარების ეროვნული ცენტრის წარმომადგენელი ანა კუდუხაშვილი უძღვებოდა, განსაკუთრებული მნიშვნელობის იყო სკოლის პედაგოგებისა და მოსწავლეებისთვის.
ტრენინგის მთავარი თემა, რემედიაციის საკითხები და სოციალურად დაუცველ ბავშვებთან მუშაობის გამოწვევები, აშკარად ხაზს უსვამს სკოლის სურვილს, რომ გახდეს უფრო ინკლუზიური და ჰუმანური სასწავლო გარემო.
ტრენინგის ცენტრალური თემა, რემედიაცია, არის საკვანძო ელემენტი თანამედროვე განათლებაში. რემედიაცია გულისხმობს იმ მოსწავლეების დახმარებას (მხარდაჭერას), რომლებიც სასწავლო პროცესში გარკვეულ სირთულეებს აწყდებიან და აკადემიური და სხა ტიპის (სოციალური) ჩამორჩენა აქვთ. ამგვარი ტრენინგი პედაგოგებს საშუალებას აძლევს, რომ უკეთ გაიგონ მოსწავლეების ინდივიდუალური საჭიროებები და შეიმუშაონ ისეთი მეთოდები, რომლებიც მათ დაეხმარებათ სასწავლო მასალის ათვისებაში. ეს აუცილებელია თითოეული ბავშვის პოტენციალის მაქსიმალურად გამოსავლენად.
ტრენინგზე ყურადღება გამახვილდა სოციალურად დაუცველ ბავშვებთან მუშაობის პრობლემებსა და გამოწვევებზე. ეს თემა კიდევ ერთხელ ადასტურებს, რომ სკოლის პრიორიტეტი არა მხოლოდ აკადემიური წარმატება, არამედ მოსწავლეების ფსიქოლოგიური და ემოციური კეთილდღეობაა.
თანამედროვე მასწავლებლები ახლა უფრო მომზადებულები არიან, რომ იდენტიფიცირება გაუკეთონ ამ მოსწავლეების საჭიროებებს (ოჯახთან/ კოლეგებთან თანამშრომლობით) და უზრუნველყონ მათთვის ისეთი გარემო, სადაც თავს დაცულად და დაფასებულად იგრძნობენ.
მასწავლებლებმა გაიღრმავეს ცოდნა და პრაქტიკული უნარები რემედიაციისა და სოციალურად დაუცველ მოსწავლეებთან ეფექტური მუშაობის შესახებ.
სკოლა/მასწავლებელი ეფექტურად დაეხმარება იმ მოსწავლეებს, რომლებსაც ეს სჭირდებათ, რაც შეამცირებს აკადემიურ ჩამორჩენას.
ტრენინგი ხელს შეუწყობს სკოლაში ისეთი კულტურის ჩამოყალიბებას, სადაც თითოეული მოსწავლე, განურჩევლად მისი სოციალური თუ აკადემიური მდგომარეობისა, იქნება თანაბრად დაფასებული და მხარდაჭერილი.
ეს ტრენინგი არის ნათელი მაგალითი იმისა, თუ როგორ შეიძლება სკოლა მუდმივად განვითარდეს და შექმნას უკეთესი სასწავლო გარემო ყველა ბავშვისთვის.
იხილეთ ფოტოები:
