საგნის პედაგოგებს, სკოლის დირექციასა და სპეციალისტებს ისგ-ს შემუშავების პრაქტიკულ ასპექტებს გააცნობენ - 11 სექტემბერი რეგისტრაციის ბოლო დღეა
11-09-2025
საგანმანათლებლო დაწესებულების მანდატურის სამსახურის ინკლუზიური და სპეციალური განათლების მხარდამჭერი ცენტრის (სამმართველო) ინფორმაციით, 12 სექტემბერს, 14:00 საათზე ჩატარდება ონლაინ ვებინარი თემაზე - „ინდივიდუალური სასწავლო გეგმა“
საინფორმაციო შეხვედრის ფარგლებში განხილული იქნება ინდივიდუალური სასწავლო გეგმის შემუშავების პრაქტიკული ასპექტები, ფორმა და შინაარსი.
კერძოდ: ეროვნული სასწავლო გეგმით ხელმძღვანელობის საჭიროება ინდივიდუალური სასწავლო გეგმის შექმნისას;
ინდივიდუალური სასწავლო გეგმის სარეკომენდაციო ფორმა;
ინდივიდუალური სასწავლო გეგმის თითოეული კომპონენტის შევსების პრინციპები და პასუხისმგებელი პირები;
საინფორმაციო შეხვედრა განკუთვნილია სკოლის დირექციის, საგნის მასწავლებლებისა და ინკლუზიურ განათლებაში ჩართული სპეციალისტებისთვის.
შეხვედრაზე დასასწრებად რეგისტრაცია უნდა გაიაროთ მითითებულ ბმულზე - 11 სექტემბერი ბოლო დღეა https://forms.office.com/e/uwwdTviREL
ყველა დარეგისტრირებული პირი შეხვედრის დაწყებამდე ელექტრონულ ფოსტაზე მიიღებს ვებინარზე დასასწრებ ბმულს.
სკოლების სიახლეები
