
ზუგდიდის N5 საჯარო სკოლის კურსდამთავრებულებმა ერთიანი ეროვნული გამოცდები წარმატებით ჩააბარეს და სხვადასხვა უმაღლეს სასწავლებელში, მათთვის სასურველ სასწავლო პროგრამებზე ჩაირიცხნენ. ხუთმა მათგანმა კი სახელმწიფო დაფინანსებაც მოიპოვა.
სკოლაში ახარებთ, რომ როგორც მოსწავლეთა, ისე მასწავლებელთა მრავალწლიანმა შრომამ შედეგი გამიღო და მათი აღზრდილები, დღეს უკვე სტუდენტის სტატუსით გააგრძელებენ უმაღლესი განათლების მიღებას.
„ეს შედეგი კიდევ ერთხელ ადასტურებს, რომ შრომა, ცოდნის სიყვარული და მიზნისკენ სვლა ყოველთვის გამოიღებს ნაყოფს.
ჩვენ ვამაყობთ ჩვენი მოსწავლეებით, რომლებიც ახალ თაობებს მისცემენ სტიმულს, ირწმუნონ საკუთარი შესაძლებლობების.
გილოცავთ, თქვენი გზა შთაგონებაა მათთვის, ვინც ახლა სწავლობს.
წარმატებები სტუდენტურ ცხოვრებაში! დარწმუნებულები ვართ, რომ წინ კიდევ უფრო დიდი გამარჯვებები გელით!“,- აღნიშნავენ სკოლაში და ახალგაზრდების დიდი გულშემატკივრებად რჩებიან.