„სიხარულით გაცნობებთ, რომ 2025–2026 სასწავლო წლიდან ჩვენი სკოლა სრულად გადადის მათემატიკის სწავლების საერთაშორისო მოდელზე — Mathematics for the IB Middle Years Programme (MYP), 1–დან 9-ე კლასის ჩათვლით!
1–3 კლასებში უკვე სამი წელია წარმატებით ვიყენებთ მათემატიკის საერთაშორისო პროგრამას.
6–7 კლასებში მიმდინარე წელს სატესტოდ დავნერგეთ პროგრამის ელემენტები, რამაც მოსწავლეებისა და მასწავლებლების დიდი მოწონება დაიმსახურა.
მიღებული გამოცდილებისა და დადებითი უკუკავშირის საფუძველზე გადავწყვიტეთ, რომ შემდეგი წლიდან მათემატიკა სრულად ვასწავლოთ IB MYP სახელმძღვანელოებით.
-რას ნიშნავს ეს ჩვენი მოსწავლეებისთვის?
- სწავლება 21-ე საუკუნის უნარებზე დაფუძნებული მეთოდებით;
- კრიტიკულ, ანალიტიკურ და ლოგიკურ აზროვნებაზე ორიენტირებული ამოცანებით სწავლებას;
- თეორიის გამოყენებას რეალური სამყაროს პრობლემების გადაჭრაში;
- განათლებას, რომელიც შეესაბამება მსოფლიო საგანმანათლებლო სტანდარტებს.
ჩვენმა მასწავლებლებმა გაიარეს სპეციალური ტრენინგები, რათა უზრუნველყონ მაღალი ხარისხის სწავლება და თითოეული მოსწავლის საჭიროებებზე მორგებული მიდგომა. ჩვენ ვამაყობთ, რომ ვაძლევთ ჩვენს მოსწავლეებს შანსს — სწავლობდნენ ინოვაციურად, ხარისხიანად და მომავალზე ორიენტირებულად!“
