„ადრეული აღზრდისა და განათლების მომსახურების მიმწოდებელი ან/და სკოლამდელი აღზრდისა და განათლების მომსახურების მიმწოდებელი ან/და მხოლოდ სასკოლო მზაობის პროგრამის განმახორციელებელი დაწესებულების პერსონალისთვის სამსახურებრივი ინსტრუქციების, ქცევისა და ეთიკის ნორმების დამტკიცების შესახებ“ დადგენილებაში ცვლილება შევიდა, რომელიც ახმეტის მუნიციპალიტეტში არსებულ დაწესებულებებს ეხება.
დოკუმენტით განისაზღვრა, რომ პერსონალმა უნდა შექმნას ფიზიკური და ფსიქოლოგიური ძალადობისგან დაცული, ინკლუზიური გარემო, „სადაც ყველა ბავშვს აქვს განვითარების შესაძლებლობა, განურჩევლად ფიზიკური, შემეცნებითი, სენსორული, სოციალური, ემოციური, ლინგვისტური, ეთნიკური, რასობრივი, რელიგიური თუ სხვა მახასიათებლებისა“.
გარდა ამისა, დადგენილებაში ნათქვამია, რომ: „პერსონალი თანაბარ ყურადღებას უთმობს ყველა ბავშვს, განურჩევლად ფიზიკური, შემეცნებითი, სენსორული, სოციალური, ემოციური, ლინგვისტური, ეთნიკური, რასობრივი, რელიგიური თუ სხვა მახასიათებლებისა... პერსონალი პატივს სცემს ბავშვის მშობელს/კანონიერ წარმომადგენელს, განურჩევლად მათი კულტურული, სოციალური, ეთნიკური, რელიგიური თუ სხვა ნიშნით განსხვავებულობისა“.
