მარტვილის მუნიციპალიტეტის სოფელ დიდი ჭყონის N1 საჯარო სკოლის პედაგოგები პროფესიულ წინსვლასა და განვითარებაზე არიან ორიენტირებულნი.
ამის ნათელი მაგალითია, სკოლის წამყვანი მასწავლებელი - ნონა თოდუა, რომელიც მეხუთე საგანში გახდა სერტიფიცირებული.
ნონა თოდუა წამყვანის სტატუსის მქონე მასწავლებელი გახლავთ. ამჟამად მან მეხუთე საგანში - სამოქალაქო განათლებაში მოიპოვა სერტიფიკატი. გამოცდა მაქსიმალურ კრედიტზე - 10-ზე ჩააბარა.
სკოლაში მას ახასიათებენ, როგორც მაღალი პროფესიონალიზმით გამორჩეულ მასწავლებელს, რომელიც მოსწავლეთა განათლებას დიდი სიყვარულით ემსახურება.
„ნონა გამოირჩევა არა მხოლოდ განსაკუთრებული ნიჭიერებით, არამედ აგრეთვე პასუხისმგებლობის გრძნობით. ეს გამოიხატება მის მიერ მუდმივ მცდელობაში ჩაატაროს ხარისხიანი გაკვეთილები - რესურსებით გამდიდრებული, მასტიმულირებელი კომენტარებით, სიყვარულით გაჯერებული და მოსწავლეთა ინდივიდუალურ შესაძლებლობებზე მორგებული. ვულოცავთ ნონა მასწავლებელს მორიგ გამარჯვებას და მადლობას ვუხდით სკოლის რიგიანად წარმოჩენისათვის“,- აღნიშნავენ სკოლაში.
იხილეთ ფოტოები:
