
ერთიანი ეროვნული გამოცდების პირველადი შედეგები უკვე ცნობილია. ახალქალაქის N4 საჯარო სკოლიდან ეროვნულ გამოცდებზე 21 აბიტურიენტი გავიდა, რომლებსაც სკოლაში გულმხურვალედ გულშემატკივრობდნენ.
გამოცდები 21-ივემ ჩააბარა, უმეტესობამ მაღალი შეფასებებიც მოიპოვა. ახალქალაქის N4 საჯარო სკოლის დირექტორი გაიანე კარახანიანი და პედაგოგები მოსწავლეთა მიღწევებით ამაყობენ, ახალგაზრდებს წარმატებას ულოცავენ და ბედნიერ მომავალსა და სასურველი პროფესიების დაუფლებას უსურვებენ.
„ახალქალაქის მე-4 საჯარო სკოლის დირექტორი და მთელი პედკოლექტივი ამაყობს მოსწავლეების წარმატებით და ულოცავს მათ გამოცდაზე მიღებულ შედეგს. შემდეგ ეტაპზე კი დიდ წარმატებას ვუსურვებთ“ - აღნიშნავენ სკოლაში და კურსდამთავრებულთა შედეგებს გვიზიარებენ.