ქარელის მუნიციპალიტეტის სოფელ ბრეძის საჯარო სკოლას არაერთი წარმატებული კურსდამთავრებული ჰყავთ, რომელთა მიღწევები სასკოლო საზოგადოებისთვის საამაყო და სასიხარულოა.
დირექცია, ამჯერად სკოლის წარმატებულ კურსდამთავრეულს - ახალგაზრდა მეცნიერს - თენგიზ შუბითიძეს გვაცნობს.
თენგიზ შუბითიძეა, სამთო ინსტიტუტის ანალიზური ქიმიის და წიაღისეულის განვითარების ლაბორატორიის სპეციალისტია, ამავე დროს საქართველოს ტექნიკურ უნივერსიტეტში სამთო-გეოლოგიურ ფაკულტეტის მაგისტრატურაზე სწავლობს. წარმატებული სტუდენტი სამთო ინსტიტუტში ლექტორის რეკომენდაციით დასაქმდა, სამეცნიერო საქმიანობა კი სკოლიდან აინტერესებდა, დღს მიზნებსა და ოცნებებს ფრთებს ასხამს.
ახლახან კი, არემჯი-ის საგანმანათლებლო პროგრამაში - „ახალგაზრდა მეცნიერი“ გაიმარჯვა. პროექტში გამარჯვება ერთი წლის განმავლობაში ყოველთვიურ ფინანსურ წახალისებას ითვალისწინებს.
პროგრამაში ის კონკურსის გზით მოხვდა და სამთო ინსტიტუტიდან გამარჯვებულებს შორის მოხვედრა, მხოლოდ ორმა ახალგაზრდა მეცნიერმა მოახერხა. ერთ-ერთი მათგანი სწორედ თენგიზ შუბითიძეა.
სკოლაში კურსდამთავრებულის წარმატებით ხარობენ და მას ახალი მწვერვალების დაპყრობას უსურვებენ.
„ჩვენი სკოლის საუკეთესო მოსწავლე, ბრეძის ადმინისტრაციული ერთეულის გამორჩეული ახალგაზრდა, უკვე მეცნიერმუშაკი - თენგო შუბითიძე! საამაყო ბიჭი ხარ, კიდევ უამრავ წარმატებას გისურვებ, რამეთუ გარკვეული წვლილი ჩვენც, ბრეძის პედაგოგებსაც მიგვიძღვის შენს კარიერაში, მრავალჯერ გესახელებინოს ბრეძა და საქართველო“,- აღნიშნავენ სკოლაში და კურსდამთავრებულის დიდ გულშემატკივრებად და მრარდამჭერებად რჩებიან.
