ერთიანი ეროვნული გამოცდების წინასწარი შედეგები უკვე ცნობილია. თელავის მუნიციპალიტეტის სოფელ ფშაველის საჯარო სკოლის კურსდამთავრებულებმა გამოცდები წარმატებით ჩააბარეს.
სკოლის დირექტორი არჩილ ხუტუაშვილი და პედაგოგები ახალგაზრდებს ერთიან ეროვნულ გამოცდებზე გულმხურვალედ გულშემატკივრობდნენ, დღეს კი მათი შედეგებით ხარობენ.
დირექტორი და მასწავლებლები აღზრდილებს სასურველ უმაღლეს სასწავლებლებსა და საგანმანათლებლო პროგრამებზე ჩარიცხვას უსურვებენ.
„სკოლის დირექტორი არჩილ ხუტუაშვილი და პედკოლექტივი ულოცავენ, ეროვნული გამოცდების ჩაბარებას როგორც სკოლის კურსდამთავრებულებს ასევე სრულიად საქართველოს ახალგაზრდებს, ცხოვრების უმნიშვნელოვანეს ეტაპზე გადასვლას.
გისურვებთ, არჩეულ პროფესიებში წარმატებებს!
ხვალინდელი საქართველოს საიმედო დასაყრდენო მომავლებო“,- ვკითხულობთ სკოლის წერილში.
