„ვუსურვებთ წარმატებას და სიბრძნეს მომავალ აკადემიურ და პროფესიულ გზაზე“-ტაბაწყურის საჯარო სკოლის აბიტურიენტებმა ეროვნული გამოცდები წარმატებით ჩააბარეს
06-08-2025
ერთიანი ეროვნული გამოცდების წინასწარი შედეგები უკვე ცნობილია. ბორჯომის მუნიციპალიტეტის სოფელ ტაბაწყურის საჯარო სკოლის 2024-2025 სასწავლო წლის კურსდამთავრებულებიდან ხუთი ეროვნულ გამოცდებზე გავიდა, რომლებსაც დირექცია და პედაგოგები გულმხურვალედ გულშემატკივრობენ.
ხუთივე კურსდამთავრებულმა წარმატებით ჩააბარა ზოგადი უნარების გამოცდა. კურსდამთავრებულები ქართული ენის მომზადების საგანმანათლებლო პროგრამაზე (1+4) აპირებენ სწავლის გაგრძელებას. სკოლაში კურსდამთავრებულთა წარმატება ახარებთ, ახალგაზრდებს ქართული ენის მომზადების საგანმანათლებლო პროგრამის წარმატებით დასრულებას და სასურველი პროფესიების დაუფლებას უსურვებენ.
„ჩვენს მოსწავლეებს ვუსურვებთ წარმატებას, სიბრძნესა და ძალას მომავალ აკადემიურ და პროფესიულ გზაზე“,- აღნიშნავენ სკოლაში.
სკოლების სიახლეები
