დღეს, 16 ივლისს აბიტურიენტები სამოქალაქო განათლების გამოცდას აბარებდნენ. მასწავლებლები და მასწავლებლობის მსურველები კი - უფროსი სპეციალური მასწავლებლის გამოცდას.

16 ივლისის სესიაზე, საგამოცდო ცენტრებში გამოცხადდა 95%-მდე აბიტურიენტი და უფროსი სპეციალური მასწავლებლის გამოცდაზე დარეგისტრირებულების 85%.

არ დაფიქსირებულა დაგვიანების არც ერთი შემთხვევა.

ხვალ აბიტურიენტებისათვის ბიოლოგიის, ხოლო მასწავლებლებისა და მასწავლებლობის მსურველებისათვის უცხოური ენებისა და სპორტის გამოცდები ჩატარდება.