დაბა მესტიის N3 საჯარო სკოლა სამეურვეო საბჭოს არჩევნები გაიმართა.
არჩევნები სკოლაში თავისუფალ გარემოში, ხარვეზების გარეშე წარიმართა. დაცული იყო ყველა საარჩევნო პროცედურა.
სკოლის თვითმმართველობის უმაღლესი ორგანოს არჩევნები ზოგადსაგანმანათლებლო დაწესებულებებში 14 ივლისს ჩატარდა.
სამეურვეო საბჭო სკოლის მმართველობაში შემავალ ერთ-ერთ მნიშვნელოვან რგოლს წარმოადგენს. მის შემადგენლობაში შედიან მასწავლებლები, მოსწავლეთა მშობლები და საშუალო საფეხურის ერთი მოსწავლე.
ასევე, განათლების, მეცნიერების, კულტურისა და სპორტის სამინისტროსა და ადგილობრივ თვითმმართველობას უფლება აქვს სამეურვეო საბჭოში თავისი წარმომადგენელი ჰყავდეს.
საბჭო ირჩევს სკოლის დირექტორს, სკოლის დირექტორის წარდგინებით ამტკიცებს სკოლის შინაგანაწესს, ბიუჯეტს, ირჩევს დისციპლინურ კომიტეტს, სკოლის დირექტორის წარდგინებით ამტკიცებს სკოლის ადამიანური რესურსების მართვის პოლიტიკას, სკოლის განვითარების სტრატეგიას, სკოლის ყოველწლიურ სამოქმედო გეგმას და ახორციელებს კანონმდებლობით მინიჭებულ სხვა უფლებამოსილებებს.
სამეურვეო საბჭოს არჩევნები სკოლებში სამ წელიწადში ერთხელ ტარდება.
იხილეთ ფოტოები:
