გამოქვეყნდა მთავრობის დადგენილება, რომლის მიხედვითაც განისაზღვრა „ხედვა - 2030 საქართველოს განვითრების სტრატეგიის“, 2025 წლის სამოქმედო გეგმა. დოკუმენტი ძალაშია და მას ხელს პრემიერ-მინისტრი აწერს.
მთავრობის 2025 წლის სამოქმედო გეგმაში გაწერილია, რომ ახალი სასკოლო სახელმძღვანელობის გრიფირება მიმდინარე წლის ბოლომდე გამოცხადდება.
„ახალი სასკოლო სახელმძღვანელობის დანერგვის მიზნით გამოცხადებულია გრიფირების კონკურსი“, - ნათქვამია დადგენილებაში, სადაც შესრულების ვადად, 2025 წლის მე-4 კვარტალი ანუ - ოქტომბერი-ნოემბერი-დეკემბერია გამოცხადებული.
დეტალები კი განათლების, მეცნიერებისა და ახალგაზრდობის სამინისტროს ვებ-გვერდზე გამოქვეყნდება.