ნინოწმინდის მუნიციპალიტეტის სოფელ მამწვარას საჯარო სკოლაში მოსწავლეთა ინტერესები უპირატესი, მათი სურვილები კი - გათვალისწინებულია.
რა თქმა უნდა, სკოლაში განსაკუთრებულად აღინიშნა ბავშვთა დაცვის დღე. პედაგოგებმა მოსწავლეებს გამორჩეული დღესასწაული მოუწყვეს და არაერთ აქტივობაში ჩართეს.
დაწყებითი კლასის მოსწავლეებმა ლამაზი ღონისძიება გამართეს - ქართულად წაიკითხეს ლექსები, იმღერეს და ლამაზი საცეკვაო და მუსიკალური ნომრებიც წარმოადგინეს. ასევე მოეწყო ხატვის კონკურსი. ღონისძიებამ ბავშვებს დაუვიწყარი ემოციები აჩუქა.
ბავშვთა დაცვის საერთაშორისო დღე 1-ელ ივნისს აღინიშნება, ეს დღე ერთგვარი შეხსენებაა სახელმწიფოსთვის, რომ ის ვალდებულია უზურნველყოს თითოეული ბავშვის კეთილდღეობა, მათი სიცოცხლისა და ჯანმრთელობის, ხელმისაწვდომი განათლებისა და ცხოვრების სათანადო პირობებით სარგებლობის უფლებათა განხორციელება.
იხილეთ ფოტო-ვიდეომასალა:
