წალკის მუნიციპალიტეტის სოფელ ნარდევანის საჯარო სკოლაში 2024-2025 სასწავლო წელი წარმატებით დასრულდა. პედაგოგებმა წარმატებით მიაღწიეს ეროვნული სასწავლო გეგმით გათვალისწინებულ მიზნებს.
სასწავლო პროცესი გაჯერებული იყო მრავალფეროვანი საგანმანათლებლო ღონისძიებებითა და პროექტებით, რაც მოსწავლეთა ცოდნის ხარისხზე აისახა.
აღსანიშნავია, მე-5 კლასში განხორციელებული პროექტი - „მოგზაურობა საქართველოს რეგიონებში“.
პროექტი განხორციელდა „ჩვენი საქართველოს“ მასწავლებლის - ლუსვართ სარკსიანისა და პედაგოგ გაიანე ნაზლუიანის ინიციატივით.
პროექტის ფარგლებში, მოსწავლეები დამსწრე საზოგადოების წინაშე შთამბეჭდავი პრეზენტაციებით წარდგნენ.
მოსწავლეებმა გაგვაცნეს საქართველოს სამი რეგიონი, კერძოდ- სამცხე-ჯავახეთი, აჭარა, სამეგრელო. ისაუბრეს ისტორიაზე, უნიკალურ ბუნებაზე, სამზარეულოსა და ტრადიციებზე“,- აღნიშნავენ სკოლაში.
ღონისძიება ბავშვებმა დაასრულეს ლამაზი ცეკვით, ბოლოს კი თითოეული ჯგუფი სტუმრებს ამა თუ იმ კუთხისთვის დამახასიათებელი კერძებით გაუმასპინძლდა.
იხილეთ ფოტოები:
