სასწავლო წელი დასრულდა და ყველაზე უდარდელი პერიოდი - არდადგები დაიწყო, თუმცა მანამდე წლის შეჯამებაა, განვლილი მასალის გადააზრება და მშობლიურ ანბანთან ემოციური გამომშვიდობებაა.
გაისად კი მოსწავლეებს ახალი სასკოლო თავგადასავალი და წიგნიერების სამყაროში მოგზაურობა ელით, რაც ანბანის ცოდნის გარეშე წარმოუდგენელი იქნებოდა.
ემოციური ღონისძიებით დაემშვიდობნენ პირველკლასელები ანაბნს ამბროალურის მუნიციპალიტეტის, ბუგეულის საჯარო სკოლაში.
ულამაზეს ფორმებში გამოწყობილმა პატარებმა ისაუბრეს ანბანის მნიშვნელობაზე, წაიკითხეს თემატური ლექსები, შეასრულეს სიმღერები და მშობლიურ სკოლას კიდევ ერთი ლამაზი დღე-სასწაული აჩუქეს.
„ჩვენმა პირველკლასელებმა საზეიმოდ აღნიშნეს სასწავლო წლის დასრულება. ცეკვით, სიმღერებითა და ლექსებით დაემშვიდობნენ საანბანო პერიოდს - მშობლიურ დედა ენას. წარმატებები მათ ცოდნის გზაზე. მადლობა პედგოგებს, ბავშვებსა და მშობლებს ლამაზი და ხალისიანი ღონისძიებისთვის“, - ასე გამოეხმაურა სკოლა ღონისძიებას, რომელიც ლამაზი ასოებით ჩაიწერება საგანმანათლებლო დაწესებულების ისტორიაში.
