ოზურგეთის მუნიციპალიტეტის დაბა ნასაკირალის საჯარო სკოლის მე-4 კლასელებმა სასწავლო წელი წარმატებით დაასრულეს, სასწავლო მიღწევები კი შემოქმედებითი ღონისძიებით აღნიშნეს.
მე-4ა კლასის მოსწავლეებმა, დამრიგებლის - ირმა ჟღენტის ხელმძღვანელობით, ლამაზი გამოსაშვები ღონისძიება - „სამყარო ჩვენით იწყება“ გამართეს. მოსწავლეები დამსწრე საზოგადოების წინაშე მრავალფეროვანი საზეიმო პროგრამით წარდგნენ და ცოდნა და შემოქმედებითი უნარები წარმატებით წარმოაჩინეს - ერთმანეთს ცვლიდა ლექსი, სიმღერა, ცეკვა, თეატრალური წარმოდგენა.
ღონისძიების ქორეოგრაფი ზურა წულაძე გახლავთ, მუსიკალურად კი გააფორმეს - თინა ღლონტმა და ელენე კრაველიძემ.
აღსანიშნავია, რომ მოსწავლეები წელს პირველ მასწავლებელს ემშვიდობებიან, რამაც ღონისძიებას ემოციური ელფერი შესძინა. მე-4 კლასელებმა დამრიგებელს შრომისთვის მადლობა გადაუხადეს. პირველმა მასწავლებელმა კი ბავშვებს მე-4 კლასის წარმატებით დამთავრება მიულოცა, გზა დაულოცა და უსურვა ასეთივე შემართებით გააგრძელონ სწავლა-განათლება.
იხილეთ ფოტოები:
