სენაკის მუნიციპალიტეტის სოფელ ნოქალაქევის საჯარო სკოლის VIII კლასის მოსწავლეებისთვის სასწავლო წლის მიწურულს შთამბეჭდავი ექსკურსია მოეწყო.
ნოქალაქევის საჯარო სკოლის VIII კლასის მოსწავლეები, დამრიგებლის ნაირა ბერულავას ხელმძღვანელობით, იმყოფებოდნენ სამხრეთ საქართველოში ტურით - ახალციხე, ვარძია, აბასთუმანი, ბორჯომი.
ექსკურსიის მიზანი იყო საქართველოს ისტორიული მემკვიდრეობის მონახულება და მათი კულტურული მნიშვნელობის გაცნობა.
მოსწავლეებმა დაათვალიერეს კლდეში ნაკვეთი საოცრება. ღვთისმშობლის მიძინების ტაძარი, წყლის სისტემა - სამკურნალო წყალი კლდეში დაგროვილი, ფრესკები, თამარ მეფის სურათები.
მოსწავლეები გაეცნენ რაბათის ციხე-სიმაგრის შესახებ ისტორიას. იხილეს ახალციხე-ასპინძის ტერიტორიაზე მტკვარ-ჰესის მშენებლობა. ექსკურსიის დასასრულს მოინახულეს ბორჯომის პარკი.
მერვეკლასელთა ექსკურსია ემოციით, სანახაობებით და ისტორიული მასალებით იყო დატვირთული.
იხილეთ ფოტოები:
