ცაგერის მუნიციპალიტეტის სოფელ ლასურიაშის საჯარო სკოლის მე-4 კლასელებმა სასწავლო წელი წარმატებით დაასრულეს, სასწავლო მიღწევები კი შემოქმედებითი ღონისძიებით აღნიშნეს. 

მოსწავლეები დამსწრე საზოგადოების წინაშე მრავალფეროვანი საზეიმო პროგრამით წარდგნენ და შემოქმედებითი უნარები წარმატებით წარმოაჩინეს - ერთმანეთს ცვლიდა ლექსი, სიმღერა, ცეკვა, სკეჩი. ბავშვება ინგლისურ ენაზე წარმოადგინეს თოჯინური მინი სპექტაკლი -„ვემშვიდობებით რონის“. 

კლასის დამრიგებელმა, ნელი ფრუიძემ მოსწავლეებს გადასცა სამახსოვრო წიგნები და სიგელი კლასის წარმატებით დასრულებისათვის.

სკოლის დირექტორმა მიულოცა მოსწავლეებს მე-4 კლასის წარმატებით დამთავრება და უსურვა ასეთივე შამართებით გაგრძელონ სწავლა.