ცაგერის მუნიციპალიტეტის სოფელ დეხვირის საჯარო სკოლის მოსწავლეთა სასკოლო ცხოვრებას კიდევ ერთი ამაღლებული, ღირებული და გაბრწყინებული დღე შეემატა.
დეხვირის არქეოლოგიურ-ეთნოგრაფიულ მუზეუმში ჩატარდა შემეცნებით-შემოქმედებითი ღონისძიება - „ერთად გავაცოცხლოთ ჩვენი სოფლის ისტორია“, რომელშიც აქტიურად მონაწილეობდნენ სკოლის მოსწავლეები.
მაღალმთიანი, ულამაზესი სოფელი დეხვირი - უძველესია თავისი ფესვებით, კულტურით, განათლებითა და შრომისმოყვარე ხალხით, რომელიც გააცოცხლეს და თეატრალურად წარმოგვიდგინეს დეხვირის საჯარო სკოლის ნიჭიერმა მოსწავლეებმა.
„მობრძანებული საზოგადოება, სპეციალურად ამ დღისთვის შექმნილი სივრცე და წარმოდგენილი თითოეული ნივთი - პატივისცემაა, გახსენებაა, შეფასება, დაფასება და მადლიერებაა ადამიანებისა, რომლებმაც შექმნეს და პირნათლად მოიტანეს ჩვენი ძირძველი სოფლის ისტორია და დღესაც დარაჯად დგანან, ფიქრობენ, ზრუნავენ და აგრძელებენ სოფლის მატიანეს“,- გვიყვებიან სკოლაში და დასძენენ, რომ ღონისძიება მართლაც ნამდვილ დღესასწაულად გადაიქცა, მრავალფეროვანი ლიტერატურულ- თეატრალური წარმოდგენებითა და მრავალრიცხოვანი დამსწრე საზოგადოებით.
ღონისძიებას ესწრებოდნენ ცაგერის მუნიციპალიტეტის მერიისა და საკრებულოს წარმომადგენლები, სხვადასხვა სტრუქტურული სამსახურის წევრები და სოფელ დეხვირის მკვიდრნი.
სკოლაში დიდ მადლობას უხდიან ღონისძიების იდეის ავტორებს: ცაგერის მუნიციპალიტეტის საკრებულოს თავმჯდომარეს - ჭაბუკი ჭაბუკიანსა და საკრებულოს ჯანმრთელობისა და სოციალური დაცვის კომისიის თავმჯდომარეს - ქალბატონ მაგდა ყურაშვილს.
„ჩვენ - ყველამ ერთად - გავაცოცხლეთ და დავწერეთ სოფლის ახალი ისტორია! “,- სიამაყით აღნიშნევენ სკოლაში.
იხილეთ ფოტოები:
