ყვარლის მუნიციპალიტეტის სოფელ ზინობიანის საჯარო სკოლის პედაგოგები აქტიურად არიან ჩართულნი სხვადასხვა საგანმანათლებლო ღონისძიებაში, გასცემენ ცოდნას და იზიარებენ საუკეთესო გამოცდილებას.
დასრულდა ყვარლის რესურსცენტრის უფროსის - ქეთევან ჭიპაშვილის ორგანიზებული მასწავლებელთა კონფერენცია თემაზე - „საგნობრივი კათედრების მუშაობა“.
ზინობიანის საჯარო სკოლიდან კონფერენციაზე სამმა კათედრამ: საზოგადოებრივი მეცნიერებების (მასწავლებელი - შორენა შიშმანაშვილი), უცხო ენების (მასწავლებელი - ხატია ხუციშვილი) და საბუნებისმეტყველო მეცნიერებების (მასწავლებელი ლუიზა ბერიკაშვილი) კათედებმა წარადგინეს ინტეგრირებული პროექტი სახელწოდებით - „გარემოსდაცვითი კვირეული“.
მასწავლებლები - შორენა შიშმანაშვილი, ხატია ხუციშვილი და ლუიზა ბერიკაშვილი კონფერენციაზე საინტერესო მოხსენებით წარდგნენ და მსმენელის დიდი ინტერესით დაისმახურეს.
კონფერენციაზე ყვარლის მუნიციპალიტეტის სკოლებმა ერთმანეთს გაუზიარეს საკუთარი გამოცდილება და მომავალი სასწავლო წლისათვის დაისახეს ახალი მიზნები ნაყოფიერი მუშაობისათვის.
სკოლაში მადლობას უხდიან ყვარლის რესურსცენტრს ასეთი მნიშვნელოვანი ღონისძიებისთვის.
იხილეთ ფოტოები:
