ტოლის საჯარო სკოლის ორი მე-4 კლასელი და ზეიმით აღნიშნული სასწავლო მიღწევები
13-06-2025
ამბროლაურის მუნიციპალიტეტის სოფელ ტოლის საჯარო სკოლის მე-4 კლასელებმა სასწავლო წელი ლამაზი ღონისძიებით დააგვირგვინეს და ნაყოფიერი ოთხი წელიწადი შეაჯამეს.
მოსწავლეებმა საზეიმოდ აღნიშნეს მეოთხე კლასის დამთავრება. აღსანიშნავია, რომ ტოლის საჯარო სკოლის მე-4 კლასში მხოლოდ ორი მოსწავლე ირიცხება, ამიტომ პედაგოგმა მოსწავლეთა მოტივაციაზე განსაკუთრებულად იზრუნა და ეს დღე გაულამაზა.
აღსანიშნავია, რომ მოსწავლეები წელს პირველ მასწავლებელს ემშვიდობებიან, რამაც ღონისძიებას განსაკუთრებული ემოციური ელფერი შესძინა. მე-4 კლასელებმა დამრიგებელს ამაგისთვის მადლობა გადაუხადეს.
დამრიგებელმა მოსწავლეებს მე-4 კლასის დამთავრება მიულოცა და უსურვა ასეთივე შემართებით გააგრძელონ განათლების მიღება.
იხილეთ ფოტოები:
სკოლების სიახლეები
