ნინოწმინდის მუნიციპალიტეტის სოფელ გორელოვკის N3 საჯარო სკოლის მოსწავლეებმა ნაყოფიერი ოთხი წელიწადი შეაჯამეს.
„ჩვენი პირველი თავი დასრულდა, ახალა იწყება ახალი“ - აღნიშნეს მოსწავლეებმა და მე-4 კლასის წარმატებით დასრულება იზეიმეს.
მოსწავლეები დამსწრე საზოგადოების წინაშა მრავალფეროვანი სანახაობით წარდგნენ - გაიხსენეს სასკოლო ცხოვრების პირველი დღე, საგაკვეთილო კურიოზები, წარმოადგინეს დადგმები, საცეკვაო ნომრები, სიმღერები.
დამრიგებელმა, ფატი რაზმაძემ ოთხივე მოსწავლეს 4 კლასის წარმატებით დაძლევისათვის სიგელები და სამახსოვრო ბარათები გადასცა.
აღსანიშნავია, რომ მოსწავლეები წელს პირველ მასწავლებელს ემშვიდობებიან, რამაც ღონისძიებას განსაკუთრებული ემოციური ელფერი შესძინა. მე-4 კლასელებმა დამრიგებელს ამაგისთვის მადლობა გადაუხადეს.
დამრიგებელმა მოსწავლეებს მე-4 კლასის დამთავრება მიულოცა და უსურვა ასეთივე შემართებით გააგრძელონ განათლების მიღება.
„წარმატებული სასკოლო მომავალი!“- ამ სიტყვებით დაულოცა გზა პირველმა მასწავლებელმა მოსწავლეებს და უსურვა თავისი სწავლით ასახელონ როგორც მასწავლებელი, ასევე მშობლები და სკოლა.
სკოლაში დიდ მადლობას უხდიან კლასის დამრიგებელს - ფატი რაზმაძეს ღონისძიების ორგანიზებისთვის ასევე, - იამზე პაქსაძეს ლამაზი საცეკვაო ნომრების მომზადებისთვის.
იხილეთ ფოტოები:
