მარტვილის მუნიციპალიტეტის სოფელ წაჩხურას საჯარო სკოლაში ლამაზი ღონისძიება გაიმართა, რომლითაც სასკოლო საზოგადოებამ მე-4 კლასელებს კლასის წარმატებით დასრულება მიულოცა და საბაზო საფეხურის კურსდამთავრებულები გააცილა.
სკოლა საბაზოა, რაც იმას ნიშნავს, რომ მოსწავლეები სწავლას სხვა სკოლაში აგრძელებენ. ბუნებრივია, რომ საზეიმო ღონისძიება ემოციური იყო.
„მე-4 და მე-9 კლასის მოსწავლეებმა დაუვიწყარი დღე გვაჩუქეს კიდევ ერთი ლამაზი თაობა დაემშვიდობა წაჩხურუს საჯარო სკოლას, სკოლის პედაგოგიური კოლექტივი და დირექცია წარმატებულ, ბედნიერ და სიხარულით აღსავსე მომავალს უსურვებს თითოეულს“,- აღნიშნავენ სკოლაში და მოსწავლეებს უსურვებენ ასეთივე შემართებით გააგრძელონ სწავლა და ასახელონ სკოლა.
მე-4 კლასელები კი პირველ მასწავლებელს გამოემშვიდობნენ, ნაყოფიერი ოთხი წელი შეაჯამეს და ცოდნა და შესაძლებობები წარმატებით წარმოაჩინეს.
ღონისძიება მეტად შთამბეჭდავი აღმოჩნდა და სკოლაში დაუვიწყარი განწყობა და ემოციები დაატრიალა.
იხილეთ ფოტოები:
