გარდაბნის მუნიციპალიტეტის სოფელ ლემშვენიერას საჯარო სკოლის პირველკლასელებმა 2024-2025 სასწავლო წელი წარმატებით დაასრულეს. შეძენილი ცოდნა კი ღონისძიებით შეაჯამეს.
პირველკლასელებმა ულამაზესი ღონისძიება მოაწყვეს და სითბოთი, სიხარულითა და ბავშვური სინათლით სავსე დღე აჩუქეს დამსწრე საზოგადოებას.
პატარები დამსწრე საზოგადოების წინაშე ლამაზი ღონისძიებით წარდგნენ.
გულში ჩამწვდომი სიტყვები, გულმოდგინედ მომზადებული ნომრები და წრფელი ემოცია ღონისძიებას განსაკუთრებულ ელფერს სძენდა.
დირექცია და პედაგოგები პატარებს ახალ სასწავლო წლამდე დიდი სიყვარულით დაემშვიდობნენ და ბედნიერი არდადეგები უსურვეს.
„გილოცავთ, პატარებო, პირველ არდადეგებს - თქვენ უკვე ერთი საფეხური აიარეთ და წარმატებით დაასრულეთ პირველი დიდი წელი სკოლაში!
განსაკუთრებული მადლობა მშობლებს - თანადგომისთვის, სიყვარულისთვის და თანამშრომლობისთვის. და, რა თქმა უნდა, გულნაზი მასწავლებელს სითბოსა და მოთმინებისთვის“,- აღინიშნა სკოლაში.
