საქართველოს საპატრიარქოს წმიდა თამარ მეფის სახელობის სკოლა-გიმნაზიაში ოფიციალურად დაიწყო წლიური შემაჯამებელი გამოცდების პერიოდი. გამოცდებს III-დან XI კლასის მოსწავლეები აბარებენ.
დღე პირველი ორგანიზებულად წარიმართა, მოსწავლეებმა თავიანთი ცოდნა ქართულ ენასა და ლიტერატურაში გამოსცადეს.
საგამოცდო გარემო მშვიდი, მოტივირებული და სამუშაოდ მაქსიმალურად ხელსაყრელი იყო. პედაგოგები და სკოლის ადმინისტრაცია პროცესს დაკვირვებით და მხარდაჭერით უძღვებოდნენ.
გამოცდების მიზანია არა მხოლოდ აკადემიური შეფასება, არამედ მთელი წლის განმავლობაში მიღებული ცოდნის გააზრება და მოსწავლეთა პიროვნული განვითარების ხელშეწყობა.
სკოლა წარმატებებს უსურვებს ყველა მოსწავლეს და მადლობას უხდის მშობლებსა და მასწავლებლებს მათი პასუხისმგებლობითა და მხარდაჭერით აღსავსე თანადგომისთვის.
იხილეთ ფოტოები:
