მარტვილის N1 საჯარო სკოლაში სასწავლო პროცესი გაჯერებულია საინტერესო საგანმანათლებლო ღონისძიებებით, რაც როგორც მოსწავლეთა ცოდნის, ისე მათი შემოქმედებითი ნიჭისა და უნარების განვითარებას ემსახურება.
„შენ უბრალო მიწა კი არა, დედა ხარ ჩვენი! “- ამ სიტყვებით დაიწყეს მარტვილის N1 საჯარო სკოლის მე-6 კლასის მოსწავლეებმა საღამო, რომელიც ქართველი დიდებული მწერლის, საქართველოს კინემატოგრაფისტთა კავშირის წევრის, „საპატიო ნიშნის“ ორდენის კავალერის - ოტია იოსელიანის ხსოვნას მიუძღვნეს.
საღამოს ორგანიზება გაუწია სკოლის ბიბლიოთეკარმა - თამარ სვანიძემ. მოსწავლეებმა მინი სპექტაკლი გაითამაშეს - „დედამიწის ზღაპრის“ მიხედვით . საღამოზე გაიხსენეს საყვარელი მწერალი, მისი ბიოგრაფია და შემოქმედება.
დასასრულს კი სტუმრებთან ერთად უყურეს „დაჩის ზღაპრებიდან“ ერთ-ერთ ანიმაციას „დედის ზღაპარი“.
ღონისძიება მეტად საინტერესოდ წარიმართა და დამსწრე საზოგადოებისთვის შთამბეჭდავი აღმოჩნდა.
„გმადლობთ ამ დაუვიწყარი წუთებისთვის ქალბატონ თამარ სვანიძესა და მეექვსეკლასელებს“,- აღნიშნავენ სკოლაში და ახარებთ პედაგოგის შემოქმედებითობა და მოსწავლეთა აქტიურობა.
იხილეთ ფოტოები:
