აბაშის მუნიციპალიტეტის სოფელ წყემის საჯარო სკოლაში მნიშვნელოვანი ყურადღება ექცევა მოსწავლეთა მხატვრული ნიჭისა და ესთეტიკური ხედვის განვითარებას, წახალისებულია მათი შემოქმედებითობა, რაც მოსწავლეთა შესაძლებლობებზე აისახება.
5 ივნისს, სკოლაში მეხუთე-მეექვსე კლასების მოსწავლეთა მხატვრული ნამუშევრების გამოფენა გაიმართა.
მოსწავლეებმა მრავალფეროვანი ნამუშევრები გამოფინეს - მათ შორის იყო ნახატები, დეკორატიული ნივთები, სამკაულები...
მოსწავლეებმა ნიჭი და შესაძლებლობები წარმატებით წარმოაჩინეს და დამთვალიერებლის აღფრთოვანებაც დაიმსახურეს.
„გამოფენამ დიდი მოწონება დაიმსახურა და ბავშვებს გაუჩინა მოტივაცია კიდევ მეტი მონდომებით მოჰკიდონ ხელი თავისი ნიჭის რეალიზებას“,- აღნიშნავენ სკოლაში და მოსწავლეებს კიდევ არაერთ საინტერესო ღონისძიებას ჰპირდებიან.
იხილეთ ფოტოები:
