ბავრის საჯარო სკოლიდან მე-12 კლასელები ლამაზი ღონისძიებით გააცილეს
06-06-2025
ახალქალაქის მუნიციპალიტეტის სოფელ ბავრის საჯარო სკოლიდან კიდევ ერთი თაობა დიდი სიყვარულითა და საუკეთესო სურვილებით გააცილეს.
სკოლაში მე-12 კლასელებისთვის „ბოლო ზარი“ საზეიმოდ დაირეკა. ახალგაზრდებს სკოლის დამთავრება მთელმა სკოლამ მიულოცა. სკოლის ეზოში შეიკრიბა სასკოლო საზოგადოება - მშობლები, მოსწავლე-მასწავლებლები. მე-12 კლასის მოსწავლეებმა სიმბოლურად ესტაფეტა პირველკლასელებს გადასცეს.
მათ წარმოთქვეს ლექსები, იმღერეს, „ბოლო ვალსიც“ შეასრულეს, შემდეგ კი თვალცრემლიანი დაემშვიდობნენ მშობლიურ სკოლას.
დირექციამ და პედაგოგებმა მოსწავლეებს ცხოვრების ახალ ეტაპზე გადასვლა მიულოცეს და წარმატებისკენ მიმავალი გზა დაულოცეს.
„წინსვლა ყოფილიყოს მათი თანამგზავრი“,- აღნიშნავენ სკოლაში.
იხილეთ ფოტოები:
სკოლების სიახლეები
