27 მაისს, სტარტი აიღო „ეტალონისა“ და izrune.ge-ს ერთობლივმა ჩემპიონატმა და საქართველოს სკოლების მოსწავლეებს შესთავაზა ცოდნის გამდიდრებისა და ინტელექტუალური ზრდის უნიკალური შესაძლებლობა.
2-3 ივნისი ლოგიკური აზროვნებისა და ზოგადი განათლების ოლიმპიადა ჩატარდა, რომელსაც ხალისით შეუერთდნენ ნინოწმინდის მუნიციპალიტეტის სოფელ თორიის საჯარო სკოლის მოსწავლეები - ვიკტორია მკრტჩიანი და ელენა ანტონიანი. მოსწავლეებმა ტესტი დიდი ინტერესით შეასრულეს. წარმატებული მონაწილეობის დასტურად კი სახელობითი სიგელები მიენიჭათ.
საგნობრივი ოლიმპიადები სასკოლო განათლების ერთ-ერთი მნიშვნელოვანი კომპონენტია, ამიტომ თორიის საჯარო სკოლაში ახალისებენ მოწაფეთა საგანმანათლებლო პროექტებში ჩართულობას და ამ გზით ბავშვების ცოდნის გამდიდრებას.
აღსანიშნავია, რომ „ეტალონისა“ და izrune.ge-ს ერთობლივი ონლაინ ჩემპიონატი ტარდება სამი მიმართულებით - ქართული ენა და ლიტერატურა, მათემატიკა და ლოგიკური აზროვნებისა და ზოგადი განათლების ოლიმპიადა.
2-3 ივნისს მოსწავლეებისთვის ლოგიკური აზროვნებისა და ზოგადი განათლების ოლიმპიადა ონლაინ ჩატარდა, 9-10 ივნისს კი ჩემპიონატი მათემატიკის ოლიმპიადით გაგრძელდება. ჩემპიონატში მონაწილეობის მიღება შეუძლიათ II-XI კლასის მოსწავლეებს.
იხილეთ ფოტოები:
