ნინოწმინდის მუნიციპალიტეტის სოფელ განძის N1 საჯარო სკოლის მოსწავლეებმა 2024-2025 სასწავლო წელი წარმატებით დაასრულეს. 

სასკოლო ცხოვრების პირველი წარმატებული ნაბიჯები კი ღონისძიებით აღნიშნეს. 

სკოლის ქართულის, როგორც მეორე ენის მასწავლებელმა ჰეღინე ჰახვერდიანმა საინტერესო ღონისძიება დაგეგმა და პატარებს პირველი სასწავლო მიღწევები მიულოცა. 

პატარები დამსწრე საზოგადოების წინაშე მრავალფეროვანი საზეიმო სანახაობით წარდგნენ და ცოდნა და შესაძლებლობები წარმატებით წარმოაჩინეს. 

მასწავლებელმა პატარებს ქართული ენის ანბანის წარმატებით შესწავლა მიულოცა და ახალ სასწავლო წლამდე დიდი სიყვარულით დაემშვიდობა. 

იხილეთ ფოტოები: