მოგონებებით, სიყვარულითა და ემოციებით სავსე დღე და მე-12 კლასელთა ამაღელვებელი „ბოლო გაკვეთილი“ ვაკიჯვრის საჯარო სკოლაში
04-06-2025

ოზურგეთის მუნიციპალიტეტის სოფელ ვაკიჯვრის საჯარო სკოლიდან კიდევ ერთი თაობა საზეიმოდ გააცილა და მათ წარმატებული მომავლისკენ მიმავალი გზა დაულოცა.

20 მაისს, მე-12 კლასელებისთვის „ბოლო ზარი“ დაირეკა. გაიმართა ემოციური გამოსამშვიდობებელი ღონისძიება. მოსწავლეებმა სკოლაში გატარებული წლები გაიხსენეს და სასკოლო ცხოვრების მნიშვნელოვანი ეპიზოდები გააცოცხლეს. 

ეს იყო სევდით, მოგონებებით, სიყვარულითა და მომავლის იმედით სავსე დღე - „ბოლო გაკვეთილი“, ერთად გატარებული წლების, წუთების, წამების გახსენება და ახალი გამოწვევებისა, ახალი თავგადასავლების დასაწყისი. 

მოსწავლეებმა პედაგოგებს შრომისა და ამაგისთვის მადლობა გადაუხადეს და აღნიშნეს მასწავლებელთა როლი მათ სწავლა-განვითარებაში. დღის ბოლოს ახალგაზრდების თეთრი პერანგები ემოციური წარწერებით, მისალოცი ტექსტებითა და საუკეთესო სურვილებით შეიმკო.

კურსდამთავრებულები სკოლიდან დიდი სიყვარულით გააცილეს დირექციამ და პედაგოგებმა. 

„გილოცავთ, გვჯერა, წინ დიდი წარმატებებით სავსე მომავალი გელით“,- აღნიშნავს სკოლის დირექტორი ანეტა გედევანოვი და კურსდამთავრებულთა დიდ გულშემატკივრად რჩება. 

იხილეთ ფოტოები:

 
სკოლების სიახლეები
დაგვიკავშირდით
557 54 00 60
მოგვწერეთ
etaloniganatleba@etaloni.ge
მისამართი
0119, თბილისი, წერეთლის გამზ. #116 „დიდუბე პლაზა“ ოფისი 203
Loading...