თბილისის კერძო სკოლა „ცოდნას“ მოსწავლეებმა აკაკი წერეთლის ისტორიული პოემის შთაგონებით შექმნილი მაკეტების გამოფენა მოაწყვეს
04-06-2025
თბილისის კერძო სკოლა „ცოდნაში“ მეტად საინტერესო სასწავლო პროცესი მიმდინარეობს. პედაგოგები სწავლებისას სხვადასხვა მეთოდებსა და სტრატეგიებს მიმართავენ და მოსწავლეებს გაკვეთილებს უმრავალფეროვნებენ.
ახლახან, VIIა კლასის მოსწავლეებმა მაკეტების გამოფენა მოაწყვეს. მე-7 კლასელებმა ქართულ ლიტერატურაში გაიარეს აკაკი წერეთლის ისტორიული პოემა - „თორნიკე ერისთავი“.
მოსწავლეებმა მასწავლებელთან შეთანხმებით გადაწყვიტეს დაემზადებინათ მაკეტები სამ სხვადასხვა თემაზე:
- დარბაზობა მეფის სასახლეში;
- ბრძოლა მდ.ჰალისის პირას;
- ათონის მთა.
მოსწავლეები აქტივობას შემოქმედებითად მიუდგნენ და შთამბეჭდავი მაკეტები შექმნეს. ეს საინტერესო აქტივობა მათ პოემის უკეთ გააზრებაში დაეხმარა და სასწავლო-შემეცნებითთან ერთად მეტად სახალისო და თავშესაქცევი აღმოჩნდა.
იხილეთ ვიდეო:
სკოლების სიახლეები
