ქალაქ თბილისის კერძო სკოლა „ცოდნას“ მოსწავლეებისთვის სასწავლო პროცესი გაჯერებულია საინტერესო გასვლითი ღონისძიებებითა და ექკურსიებით. ძლიერი საგანმანათლებლო მეთოდი, მოსწავლეთა მაღალი ჩართულობითა და ინტერესით გამოირჩევა, ამაღლებს ბავშვების მოტივაციას, მათ შესაძლებლობას აძლევს შეიძინონ ახალი ცოდნა და გამოცდილება, წიგნებში ამოკითხული დააკავშირონ რეალურ ცხოვრებასთან.
მათ შორის აღსანიშნავია, მე-11 კლასელთა გასვლითი ღონისძიება ნიკოლოზ ბარათაშვილის სახლ-მუზეუმში.
მე-11 კლასის მოსწავლეები ქართველი პოეტის - ნიკოლოზ ბარათაშვილის სახლ-მუზეუმს სტუმრობდნენ. მათ დაათვალიერეს პოეტის ცხოვრებისეულ და შემოქმედებით მემკვიდრეობასთან დაკავშირებული ექსპონატები, გაიგეს მეტი მისი რთული და ამაღლებული ცხოვრების გზის შესახებ და კიდევ ერთხელ შეეხნენ ქართული ლიტერატურის ოქროს ფურცლებს.
როგორც სკოლაში აღნიშნავენ, ასეთი საგანმანათლებლო ვიზიტები კიდევ უფრო ამაღლებს მოზარდებში ინტერესს კულტურული მემკვიდრეობისადმი და აძლიერებს კავშირს ეროვნულ ფასეულობებთან.
სკოლაში ასევე მადლობას უხდიან თბილისის მუზეუმების გაერთიანებას მასპინძლობისთვის.
საინტერესოა, VIII კლასის მოსწავლეთა სასწავლო-შემეცნებითი ვიზიტი სახალისო მეცნიერებათა მუზეუმ - „ექსპერიმენტორიუმში“. VIII კლასის მოსწავლეებმა თვალსაჩინოდ ნახეს და გამოსცადეს სხვადასხვა ფიზიკური და ქიმიური პროცესი და დაუვიწყარ, მეცნიერებით სავსე მოგზაურობაში მიიღეს მონაწილეობა. ვიზიტი „ექსპერიმენტორიუმში“ მათთვის იყო ნამდვილი თავგადასავალი - ცოდნის მიღება თამაშით, გამოცდილებითა და ინტერაქციით;
როგორც სკოლაში გვეუბნებიან, შემეცნებითმა გარემომ დიდი ინტერესი გამოიწვია და ცოდნის გაღრმავებისკენ წაახალისა ყველა მოსწავლე.
სკოლა „ცოდნას“ IX კლასის მოსწავლეები კი ილია ჭავჭავაძის ლიტერატურულ- მემორიალურ მუზეუმს ესტუმრნენ. მათ ნახეს ილია ჭავჭავაძის ცხოვრებასა და მოღვაწეობასთან დაკავშირებული სხვადასხვა სახის მასალა: მემორიალური ნივთები, პირადი არქივები, მის მიერ შექმნილი ნაწარმოებების სხვადასხვა გამოცემა; აგრეთვე მისი შემოქმედებისა და ცხოვრება-მოღვაწეობისადმი მიძღვნილი ლიტერატურა: სამეცნიერო შრომები, მონოგრაფიები, სტატიები, ნარკვევები დოკუმენტური და ფოტო- მასალა, სახვითი ხელოვნების ნიმუშები და სხვ.
მე-11 კლასის მოსწავლეები კი პროექტის - „პროფესია ჩემი მომავლის არჩევანი“ ფარგლებში, კავკასიის უნივერსიტეტს სტუმრობდნენ.
მოსწავლეებს უნივერსიტეტის წარმომადგენლებმა დაათვალიერებინეს კავკასიის უნივერსიტეტის გარემო და ინფრასტრუქტურა, ასევე ის სტუდენტური სივრცეები, რომლითაც სარგებლობას CU-ში სწავლისას შეძლებენ. მიიღეს ინფორმაცია იმ უამრავი სიახლისა თუ შესაძლებლობის შესახებ, რასაც CU მათ სთავაზობს. შეხვედრა ინტერაქტიულ რეჟიმში წარიმართა, მოსწავლეებს საშუალება ჰქონდათ, რომ მათთვის საინტერესო და მნიშვნელოვან საკითხებზე ამომწურავი პასუხები მიეღოთ.
VIIა კლასის გასვლითი აქტივობა კი არქეოლოგიის მუზეუმში მოეწყო. მათ ნახეს მუზეუმში წარმოდგენილი მრავალრიცხოვანი არტეფაქტები, რომლებსაც არა მარტო საქართველოსათვის, არამედ მთლიანად კავკასიისა და წინა აზიის უძველესი და ძველი ისტორიის გაშუქებისათვის დიდი მნიშვნელობა აქვს. გადაიღეს სამახსოვრო ფოტოები და კმაყოფილები დაბრუნდნენ სკოლაში.
სკოლა „ცოდნას” მოსწავლეები ასევე ჩაერთვნენ თბილისის სახელმწიფო უნივერსიტეტის მიერ ინიცირებულ პროექტში - „მეცნიერება მომავალი თაობებისთვის“.
მოსწავლეებმა მოისმინეს ლექციები თემებზე - „მიკრობული სამყარო - თანაცხოვრება, ბრძოლა, ადაპტაცია“; „ტვინის ლაბირინთიდან ფსიქისკენ: როგორ ყალიბდება ქცევა და ცნობიერება”;„ალქიმიიდან თანამედროვე ქიმიამდე“, „ჰიპოკრატედან ტექნოლოგიების ეპოქამდე“.
„ცოდნელები“ ასევე სტუმრობდნენ თბილისის სახელმწიფო სამედიცინო უნივერსიტეტის სიცოცხლის მუზეუმს.
მუზეუმში სტუმრობა მოსწავლეებისთვის მეტად შემეცნებითი აღმოჩნდა.
„მუზეუმის მთავარი მიზანია საბაზო და საშუალო საფეხურის მოსწავლეებში სიცოცხლის შემსწავლელი მეცნიერებების მნიშვნელობის ზრდა.დიდი მადლობა ბიოლოგიის პედაგოგს - ენდი ჯანჯღავას და გეოგრაფიის პედაგოგს - მაია დუდაურს საინტერესო და შემეცნებით გასვლით აქტივობაში მოსწავლეების ჩართვისათვის“,- აღნიშნავენ სკოლაში.
იხილეთ ფოტოები:
