ახალქალაქის მუნიციპალიტეტის სოფელ პტენის საჯარო სკოლის პედაგოგები სწავლებისას საინტერესო მეთოდებს მიმართავენ. მათ შორის აღსანიშნავია პრეზენტაციებით სწავლება, რომელიც მიმართულია მოსწავლეთა მრავალმხრივი განვითარებისკენ.
მე-6 კლასის მოსწავლეებმა, ქართული ენის მასწავლებლის - ვარა გალიბინის ხელმძღვანელობით, პრეზენტაცია მარკ ტვენის შესახებ ჩაატარეს. მოსწავლეებმა ისაუბრეს მწერლის ცხოვრებისა და შემოქმედების შესახებ. გაიხსენეს მისი ყველაზე ცნობილი და ბავშვებისთვის საყვარელი ნაწარმოებები - „ჰეკლბერი ფინის თავგადასავალი“ და „ტომ სოიერის თავგადასავლები“ და განიხილეს თუ რატომ უყვართ მარკ ტვენი.
მოსწავლეთა პრეზენტაცია მეტად შემეცნებითი და ინფორმაციული აღმოჩნდა. ბავშვებმა ცნობილი მწერლის ცხოვრებისა და შემოქმედების შესახებ ცოდნა გაიმდიდრეს.
იხილეთ ფოტოები:
