ქუთაისის №4 საჯარო სკოლის X კლასში ჩატარდა ინტეგრირებული პროექტი მათემატიკასა და გეოგრაფიაში
30-05-2025
ქუთაისის №4 საჯარო სკოლის X კლასში ჩატარდა ინტეგრირებული პროექტი მათემატიკასა და გეოგრაფიაში.
მათემატიკის პედაგოგი სალომე სხულუხიას და გეოგრაფიის პედაგოგის, ფატიმა ბალანჩივაძის ორგანიზებით ჩატარებული პროექტის ფარგლებში მოსწავლეებს უნდა დაედგინათ კავშირი ნიადაგის ეროზიასა და მათემატიკურ კორელაციას შორის.
მოსწავლეებმა მოიძიეს და დაამუშავეს ინფორმაცია საქართველოში არსებული წყლისმიერი და ქარისმიერი ეროზიების შესახებ, რის შემდეგაც ჩაატარეს შესაბამისი ცდა საკლასო ოთახში. ცდის შედეგები დააკავშირეს მათემატიკურ კორელაციასთან და ააგეს შესაბამისი მოდელი.
შეხვედრას დაესწრო ქუთაისის №4 საჯარო სკოლის დირექტორის მოადგილე ბექა ძოწენიძე, რომელმაც პროექტი დადებითად შეაფასა. პედაგოგებსა და მოსწავლეებს კი მადლობა გადაუხადა გაწეული შრომისთვის.
იხილეთ ფოტოები:
სკოლების სიახლეები
