ამბროლაურის მუნიციპალიტეტის სოფელ წესის საჯარო სკოლის 1-ელი და მე-4 კლასების მოსწავლეებმა 2024-2025 სასწავლო წელი ლამაზი ღონისძიებით შეჯამეს. 

როგორც სკოლაში გვეუბნებიან, I კლასის მოსწავლეები აღნიშნული ღონისძიებით ანბანს, ხოლო IV კლასის მოსწავლეები დედაენას დაემშვიდობნენ. 

მოსწავლეები დამსწრე საზოგადოების წინაშე მრავალფეროვანი საზეიმო პროგრამით წარდგნენ. 

მოსწავლეებმა დარბაზში სიტყვაკაზმული ქართული სიტყვის მადლი, ბარაქა და ქართული მუსიკის ჰანგები აახმიანეს და სკოლაში საოცარი განწყობა დაატრიალეს. 

ღონისძიება მოამზადეს კლასის დამრიგებლებმა - ნათელა ნატმელაძემ და მაია ჯელაძემ.

იხილეთ ფოტოები: