საქართველოს საპატრიარქოს წმიდა თამარ მეფის სახელობის სკოლა-გიმნაზიის მოსწავლეები ეროვნულ და სულიერ ფასეულობებსა და პატრიოტულ მოტივებზე იზრდებიან.
ახლახან, წმიდა თამარ მეფის სახელობის სკოლა-გიმნაზიის ღია საკონცერტო სივრცეში გაიმართა, საქართველოს დამოუკიდებლობის გამოცხადების (პირველი რესპუბლიკის დაფუძნების), მერაბ კოსტავას დაბადებისა და პირველი პრეზიდენტის არჩევნების დღისადმი მიძღვნილი საზეიმო საღამო.
საზეიმო კონცერტში მონაწილეობდნენ: ხელოვნების სკოლის გოგონათა ფოლკლორული ანსამბლი (ხელმძღვანელი დალი დაბრუნდაშვილი), ვაჟთა ხალხური სიმღერის გუნდი (ხელმძღვანელი ტარიელ ხუციშვილი), გიტარის შემსწავლელი სტუდია (პედაგოგი ნინო ამირანაშვილი), სკოლა-გიმნაზიის ქორეოგრაფიული ანსამბლი „არსიანი” (ქორეოგრაფი ჯონი დუგლაძე), და ინდივიდუალური შემსრულებლები.
საზოგადოებას, მიწვეულ სტუმრებს, პედაგოგებს, მოსწავლეებს და მოსწავლეთა მშობლებს დღესასწაული მიულოცა სკოლა-გიმნაზიის დირექტორმა დეკანოზმა მირიან სამხარაძემ და ძლიერ და გამთლიანებულ საქართველოში ცხოვრება უსურვა.
იხილეთ ფოტოები:
