ჭიათურის მუნიციპალიტეტის სოფელ მეჩხეთურის საჯარო სკოლაში მოსწავლეთა ეროვნული თვითშეგნების განმტკიცებასა და პატრიოტული სულისკვეთების ამაღლებას მნიშვნელოვანი ყურადღება ექცევა. ცხადია, სკოლაში სიამაყით აღინიშნა საქართველოს დამოუკიდებლობის დღე. 

მოსწავლეებმა ლამაზი ღონისძიება გამართეს და აღნიშნეს, რომ 26 მაისი ჩვენი ერის ისტორიაში უმნიშვნელოვანესი თარიღია, რომელიც 1918 წელს სუვერენიტეტის გამოცხადებას უკავშირდება.

საინტერესო იყო ღონისძიების შემოქმედებითი ნაწილიც, მოსწავლეებმა მხატვრულად წაიკითხეს ლექსები, შეასრულეს სიმღერები, გაიხსენეს სახელოვანი წინაპრები...

სასკოლო საზოგადოებამ ერთხმად აღნიშნა, რომ ეს დღე კიდევ ერთხელ გვახსენებს, თუ რაოდენ ძვირფასია თავისუფლება და რამდენად მნიშვნელოვანია მისი შენარჩუნება. 

იხილეთ ფოტოები: