„აღსრულდა ნება ქართველი ხალხისა, გაუმარჯოს დამოუკიდებელ საქართველოს! გვფარავდეს ღმერთი!“ - ამ სიტყვებიტ გაიხსნა საქართველოს დამოუკიდებლობის დღისადმი მიძღვნილი ღონისძიება ჭიათურის მუნიციპალიტეტის სოფელ ნავარძეთის საჯარო სკოლაში.
როგორც ღონისძიების ფარგლებში სიტყვით გამოვიდნენ მოსწავლეები და დირექციის წარმომადგენლები.
„ზეიმით აღვნიშნავთ ჩვენს დამოუკიდებლობას და ვულოცავთ ერთმანეთს ამ საამაყო დღეს. მოკრძალებული ღონისძიებით ვუერთდებით ეროვნულ დღესასწაულს.
ეს დღე ალბათ ყველაზე სათაყვანო თარიღია თითოეული ქართველისთვის, რადგან თავისუფლების მოყვარე პატარა ერისთვის არაფერია უფრო ძვირფასი და უფრო სათუთი, ვიდრე სახელმწიფოებრიობა და დამოუკიდებლობა!
ბევრჯერ წაგვაქციეს, მაგრამ ვერც ერთხელ ისე, რომ ხელახლა ფეხზე დადგომის ჟინი და მონდომება დაგვეკარგა.
დღეს ვცხოვრობთ დროში, როდესაც საქართველო დამოუკიდებელია! კიდევ ერთხელ, თავისუფლების სიყვარულით გილოცავთ 26 მაისს - ეს ჩვენი დღეა!
იხილეთ ფოტოები:
