ყვარლის N2 საჯარო სკოლაში მოსწავლეთა ეროვნული თვითშეგნების განმტკიცებასა და მოსწავლეთა პატრიოტული სულისკვეთების ამაღლებას მნიშვნელოვანი ყურადღება ექცევა. ცხადია, მოსწავლეებმა გამორჩეულად აღნიშნეს საქართველოს დამოუკიდებლობის დღე.
26 მაისს, ქვეყნის მთავარი ეროვნული დღესასწაულის აღსანიშნავად, ყვარლის N2 საჯარო სკოლის Vlllა კლასის მოსწავლეებმა, პედაგოგ თინა ნაზრიშვილის ხელმძღვანელობით, გამართეს შთამბეჭდავი და მრავალფეროვანი ღონისძიება ილია ჭავჭავაძის სახელმწიფო მუზეუმში.
ახალგაზრდებმა მაყურებელს კიდევ ერთხელ დაანახეს, რომ ილიას იდეალები ცოცხალია და მომავალი თაობები ღირსეულად აგრძელებენ თავისუფლებისა და დამოუკიდებლობის გზას.
„დამოუკიდებლობა იწყება ცნობიერებით – და სწორედ ასეთი დღეები ქმნის ძლიერ მომავალს!“,- აღნიშნავენ სკოლაში და მოსწავლეებს ილიასეულ ღირებულებებზე ზრდიან.
იხილეთ ფოტოები:
