სენაკის მუნიციპალიტეტის სოფელ ნოქალაქევის საჯარო სკოლაში როგორც მოსწავლეთა საგნობრივი ცოდნის, ისე მათი ინტელექტუალური და ანალიტიკური უნარების განვითარებას მნიშვნელოვანი ყურადღება ექცევა, ამ მიზნით კი არაერთი ღონისძიება იმართება.
23 მაისს, ნოქალაქევის საჯარო სკოლაში V, VI, VII კლასების მოსწავლეთა ჩართულობით, ჩატარდა ვიქტორინა სახელწოდებით - „ციფრთა ჰარმონია“. ღონისძიებას მათემატიკის მასწავლებელი მანანა ქობალია ხელმძღვანელობდა.
ვიქტორინის მიზანი იყო მოსწავლეთა ლოგიკური, კრიტიკული და შემოქმედებითი აზროვნების განვითარება.
ვიქტორინა მუსიკალურად გააფორმა მუსიკის მასწავლებელმა - ლამზირა ბოკუჩავამ. მოსწავლეები გადანაწილდნენ გუნდებად.
ჟიურიმ გამოავლინა გამარჯვებული გუნდი, რომელსაც სკოლის დირექტორმა - ნანა ჯგერენაიამ გადასცა სიგელები.
როგორც სკოლაში გვეუბნებიან, ვიქტორინაში მონაწილე გუნდებს შორის შეჯიბრი ძალიან საინტერესო და სახალისო იყო.
იხილეთ ფოტოები:
