მარნეულის მუნიციპალიტეტის სოფელ თამარისის N1 საჯარო სკოლამ კიდევ ერთი თაობა საზეიმოდ გააცილა და წარმატებისკენ სავალი გზა დაულოცა.
21 მაისს სკოლაში „ბოლო ზარი“ დაირეკა. მე-12 კლასელები სკოლიდან დიდი სიყვარულითა და საუკეთესო სურვილებით გააცილეს.
მოეწყო გამოსამშვიდობებელი ღონისძიება, რომელიც სასკოლო საზოგადოებისთვის მეტად ამაღელვებელი აღმოჩნდა. ახალგაზრდებმა დირექციასა და პედაგოგებს მათ განათლებაში ჩადებული შრომისა და ამაგისთვის მადლობა გადაუხადეს და პატივისცემა დაუდასტურეს.
დირექტორმა და მასწავლებლებმა კი აღზრდილებს ცხოვრების ახალ ეტაპზე გადასვლა მიულოცეს და ნათელი მომავალი უსურვეს. იყო ზღვა ემოცია და სევდანარევი სიხარული.
დღის ბოლოს მოსწავლეთა პერანგები მოსწავლე-მასწავლებელთა კეთილი სურვილებითა და ემოციური მინაწერებით აჭრელდა. ამ დღის ემოციები ახალგაზრდებს მთელი ცხოვრება გაჰყვებათ.
იხილეთ ფოტო-ვიდეომასალა:
