საგარეჯოს მუნიციპალიტეტის სოფელ უჯარმის საჯარო სკოლის პირველკლასლებმა 2024-2025 სასწავლო წელი წარმატებით დაასრულეს.
პირველი სასწავლო მიღწევები კი ლამაზი ღონისძიებით იზეიმეს.
მოსწავლეები დამსწრე საზოგადოების წინაშე მრავალფეროვანი საზეიმო პროგრამით წარდგნენ - ხოტბა შეასხეს დედაენას, მის შემქმნელ იაკობ გოგებაშვილი, ხაზი გაუსვეს ქართული ენის სიმალაზესა და დამწერლობის უნიკალურობას და ცოდნა და შესაძლებლობები წარმატებით წარმოაჩინეს.
საინტერესო და სახალისო იყო ღონისძიების შემოქმედებითი ნაწილიც - მუსიკალური ნომრები, სიმღერები, დამრიგებელთან ერთად პატარების დადგმული პერფორმანსი. პატარების მიღმა არ დარჩენილა საქართველოს დამოუკიდებლობის დღე - შესაბამისად დამსწრე საზოგადოების გული პატროტული თემატიკის ლექსებით ააჩუყეს.
მოსწავლეებმა სკოლაში საოცარი განწყობა დაატრიალეს და დამრიგებელს - მარიამ წიფლაშვილს სიამაყის საფუძველი კიდევ ერთხელ მისცეს.
„გარდა ანბანისა, თემატიკა იყო ჩვენი ძვირფასი და სათაყვანებელი საქართველო, ჩვენი დამოუკიდებლობის დღე. მინდა მადლობა გადავუხადო სკოლის დირექტორს ქალბატონ - ნინო დათუნაშვილს გვერდში დგომისთვის, ასევე ხელოვნების მასწავლებლებს - ეკა ჭიაბერაშვილს და ყველა პედაგოგს გვერდში დგომისა და გულშემატკივრობისთვის. მადლობა მშობლებს და, რაც მთავარია, ჩემს საყვარელ ბავშვებს გამძლეობისთვის“,- აღნიშნავს კლასის ხელმძღვანელი მარიამ წიფლაშვილი.
იხილეთ ფოტოები:
