თბილისის N53 სკოლის მოსწავლეებმა წმ. შუშანიკის სახელობის ტაძრის ეზოში პავლონიის ხეები დარგეს
23-05-2025
აკადემიკოს ივანე ჯავახიშვილის სახელობის ქალაქ თბილისის N53 საჯარო სკოლის მოსწავლეები მაღალი გარემოსდაცვითი პასუხისმგებლობით გამოირჩევიან, რადგან პედაგოგები მათი ეკოცნობიერების ამაღლებაზე ზრუნავენ და ბავშვებს ბუნების მოფრთხილებას დაწყებითი კლასებიდანვე ასწავლიან.
ახლახან, სკოლის მე-4 კლასის მოსწავლეებმა, დამრიგებლის ირმა მალანიას ხელმძღვანელობით, წმ. შუშანიკის სახელობის ტაძრის ეზოში პავლონიის ხეები დარგეს.
მოსწავლეები გარემოსდაცვით ღონისძიებაში ხალისით ჩაერთნენ და იაქტიურეს.
„რომ არა ერთ-ერთი მშობლის, ირაკლი უჯმაჯურიძის მონდომება და გულისხმიერება, ეს აქტივობა ვერ განხორციელდებოდა“,- აღნიშნავენ სკოლაში და მას დიდ მადლობას უხდიან.
იხილეთ ფოტოები:
სკოლების სიახლეები
