თელავის მუნიციპალიტეტის სოფელ ვანთის საჯარო სკოლიდან კიდევ ერთი თაობა დიდი სიყვარულით გააცილეს.
20 მაისს სკოლაში „ბოლო ზარი“ საზეიმოდ დაირეკა.
დირექციამ და მოსწავლე-მასწავლებლებმა ახალგაზრდები სკოლიდან დიდი სიყვარულით გააცილეს და წარმატებისკენ მიმავალი გზა დაულოცეს.
გაიმართა გამოსამშვიდობებელი ღონისძიებაც. მე-12 კლასელებმა სკოლაში გატარებული წლები გაიხსენეს, მნიშვნელოვანი ეპიზოდები გააცოცხლეს და საყვარელ პედაგოგებს მათ განათლებაში ჩადებული შრომისა და ღვაწლისთვის მადლობა გადაუხადეს. ბავშვობასთან, მასწავლებლებთან და მშობლიურ სკოლასთან გამომშვიდობება მოსწავლეებისთვის მეტად ამაღლევებელი აღმოჩნდა - იყო ბევრი ემოცია და სევდანარევი სიხარული.
დირექციამ და პედაგოგებმა აღზრდილებს ნათელი მომავალი და ცოდნის მწვერვალების დაპყრობა უსურვეს და შეახსენეს, რომ ყოველთვის მათ გულმხურვალე გულშემატკივრებად რჩებიან.
იხილეთ ფოტოები:
