ონის მუნიციპალიტეტის სოფელ პიპილეთის საჯარო სკოლის პედაგოგები მოსწავლეებს ეროვნულ ღირებულებებზე ზრდიან და მათთან ერთად აღნიშნავენ ქვეყნისთვის მნიშვნელოვან თარიღებსა და მოვლენებს.
რა თქმა უნდა, მოსწავლე-მასწავლებელთა ყურადღების მიღმა არ დარჩენილა დედაენის დღე.
სკოლაში საინტერესო ღონისძიება ჩატარდა, რომელის მიზანი იყო ქართული ენის სილამაზის ხაზგასმა და მისი როლის აღნიშვნა ერის თვითმყოფადობის შენარჩუნებაში.
მოსწავლეებმა შექმნეს პლაკატი - „ო,ენავ ჩემო,დედაო ენავ“, რომელზეც დაიტანეს ცნობილი ადამიანების გამონათქვამები დედაენის შესახებ. ასევე პლაკატზე ასახეს დედაენის ძეგლი და ძველი ქართული ანბანი.
მოსწავლეებმა დამსწრე საზოგადოებას თარიღის მნიშვნელობაზე ესაუბრნენ, გაიხსენეს 1978 წლის მოვლენები.
სკოლის მოსწავლეებმა ასევე მონაწილეობა მიიღეს მუნიციპალიტეტის რესურსცენტრის მიერ ორგანიზებულ თემატურ ღონისძიებაში.
იხილეთ ფოტოები:
