
ხაშურის მუნიციპალიტეტის სოფელ ნაბახტევის საჯარო სკოლაში მე-12 კლასელებისთვის „ბოლო ზარი“ კიდევ ერთხელ საზეიმოდ დაირეკა.
სკოლიდან კურსდამთავრებულები დიდი სიყვარულითა და საუკეთესო სურვილებით გააცილეს და წარმატებისკენ მიმავალი გზა დაულოცეს.
დევიზით -„გზა დაგვილოცეთ“ კურსდამთავრებულები სკოლაში თეთრი მაისურებით გამოცხადდნენ და პერანგებზე ერთმანეთს სამახსოვრო წარწერები და საუკეთესო სურვილები დაუტოვეს.
ახალგაზრდებს ცხოვრების ახალ ეტაპზე გადასვლა მთელმა სკოლამ მიულოცა. გაიმართა გამოსამშვიდობებელი ღონისძიება, რომელშიც აქტიურად მონაწილეობდნენ - ბარბარე ნოზაძე (Vკლ.), ბარბარე მაისურაძე (VI კლ), ანანო კურტანიძე (VI კლ.), მარიამ ხუციშვილი (VI კლ.), ნუკი მჭედლიძე (VIII კლ.) და მე-8 კლასის ხელმძღვანელი და იმავდროულად მუსიკის პედაგოგი მაია რიჟამაძე.
ღონისძიებაზე შესრულდა სიმღერა დ არაერთი საცეკვაო ნომერი. კურსდამთავრებულებმა სკოლაში გატარებული წლები გაიხსენეს, მნიშვნელოვანი ეპიზოდები გააცოცხლეს და სამადლობელი სიტყვებით მოეფერნენ კლასის დამრიგებელს - ლიანა მინდიაშვილსა და პედაგოგებს. იყო ბევრი ემოცია და სევდანარევი სიხარული.
იხილეთ ფოტო-ვიდეომასალა:
იხილეთ ვიდეოს ბმული:
იხილეთ ვიდეოს ბმული:
იხილეთ ვიდეოს ბმული:
იხილეთ ვიდეოს ბმული: